Ciidamada booliiska Soomaaliya iyo kuwa Nabad sugida ayaa ku guuleestay in ay fashiliyaan qarax miino oo lagu aasay qeybo kamid ah degmada Hiliwaa ee gobolka Banaadir.
War kasoo baxay Hay’ada nabad sugida iyo sirdoonka Qaranka Soomaaliya ayaa lagu sheegay in shacabka Hiliwaa gacan ka geesteen fashilinta qaraxan miino ee la doonayay in dhibaato lagu geesto.
“Wada shaqayn dhaxmartay ciidamada Police-ka, NISA iyo shacabka degmada Heliwaa ayaa lagu fashiliyay miino ay argagixisadu galiyeen dhulka si ay shacabka Soomaaliyeed ugu dhibaateeyaan.Wada shaqaynta shacabka iyo laamaha amniga ayaa dhabarjab ku noqonaya Al Shabaab” ayaa lagu yiri qoraalka NISA.
Degmada Hiliwaa qeybo kamid ah ayaa inta badan waxaa ka dhaca qaraxyo miino oo lala beegsado ciidamada nabad ilaalinta AMISOM iyo ciidamada dowlada ee ka howlgala degmadaasi.
Xafiiska Shabakada Allbanaadir.com
Muqdisho Somalia
Allbanaadir@live.com
