Waxaa sii kordhaya siyaasiyiinta caanka ah ee laga soo doorto dowlad goboleedka Hirshabelle, kuwaa oo dhaliil xooggan u jeedinaya Madaxweynaha maamulka Hirshabelle Cali Guudlaawe Xuseen oo lagu eedeeyay waxqabad la’aan iyo dib u dhac.
Xildhibaan Maxamed Ibraahim Macalimuu oo kamid ahaa xildhibaannada Hirshabelle kasoo jeeda , ayaa qoraal uu soo saaray ku dhaliilay Madaxweyne Cali Guudlaawe, waxa uuna ku eedeeyay hoggaan xumo iyo in uu la haray Hirshabelle.
”Hirshabelle waxaa la haray ,hogaan xumo eber ka hooseeysa, horukac la’aan heer kasta, iyo o dadkeedii oo qeybsan oo aan hishiis aheyn” ayuu ku yiri Xildhibaan Maxamed Ibraahim Macalimuu qoraal uu soo dhigay bartiisa Facebook.
Madaxweynaha maamulka Hirshabelle , ayaa marar badan lagu eedeeyay in uu ku fashilmay hoggaaminta dadkii doortay, waxaana maamulkan uu noqday midka ugu hooseeya dhanka horumarka iyo tayada marka loo eego maamul goboleedyada kale ee dalka ka jira.
Xafiiska Shabakada Allbanaadir.com
Muqdisho Somalia
Allbanaadir@live.com
