Meydka ALLE ha u naxariistee dhaqtarkan oo lagu magacaabo Dr. Abdishakur Saleebaan, kana mid ahaa hawlwadeenada Caafimaadka magaalada Burco ayaa xalay laga helay qolka shaqaalaha ee isbitaalka Al-Khaliifa ee magaalada Burco.
Dhaqtarka ayaa la sheegay inuu habeen hore ku jiray shaqada habeenimo ee Isbitaalka ayna xaaladiisa caafimaad wanaagsaneyd xiligaas.
Xubno kamid ah hawl wadeenada caafimaadka ee gobolka Togdheer ayaa sheegay in marxuumku geeriyooday kadib markii wadnuhu istaagay (heart attack).
Ciidanka Booliska magaalada Burco ayaa la soo sheegayaa iney wadaan baaritaano dheeraad ah oo la xiriirta sababta rasmiga ah ee uu u geeriyooday dhaqtarka.
