Wareegto Madaxweyne.
Madaxweynaha Jamhuuriyadda Somaliland, Mudane Cabdiraxmaan Maxamed Cabdillaahi (Cirro) waxa uu maanta wareegto ku magacaabay La-taliyaha Madaxweynaha ee Amniga Qaranka.
Waxaanay u dhignayd Wareegtada Madaxweynuhu Sidan:-
Wareegto Madaxweyne Magacaabid Markii aan arkay: Qoddobka 90aad ee Dastuurka Jamhuuriyadda Somaliland;
Markii aan arkay: Qoddobka 20aad iyo 49aad ee Xeerka Ciidanka Qaranka ee Xeer Lr.105/2023;
Markii aan tixgeliyey: Ahmiyadda uu La-taliyaha Madaxweynaha ee Amniga Qaranku u leeyahay Jamhuuriyadda Somaliland.
Markii aan ku qancay: Aqoontiisa, kartidiisa, iyo waayo-aragnimadiisaba, isla markaana uu hanan karo mas’uuliyadda ka dhalanaysa xilkan,
Markii aan sameeyey: La-tashi, Waxa aan go’aamiyey In Ismaaciil Aadan Cismaan Al-Hashimi (Ismaaciil Yare), laga bilaabo taariikhda maanta uu ahaado La-taliyaha Madaxweynaha ee Amniga Qaranka.
