Wafdi ka socda Dawladda Soomaaliya, oo uu hoggaaminayo Wasiiru-Dowlaha Arrimaha Dibadda, Mudane Cali Balcad, ayaa maanta gaaraya magaalada Addis Ababa ee caasimadda dalka Ethiopia, si ay u sii ambaqaadaan heshiiskii Ankara ee dhexmaray madaxda labada dal.
War- saxaafadeed kasoo baxay Wasaaradda Arrimaha Dibadda ayaa lagu sheegay in ujeedka socdaalka wafdigan uu yahay xoojinta xiriirka ku dhisan is-ixtiraam iyo wada-shaqeyn dhexmarta Soomaaliya iyo Itoobiya.
Socdaalka wafdiga dowladda Soomaaliya i dirtay ayaa imaanaya , xilli dhawaan magaalada Ankara ee caasimadda dalka Turkiga heshiis ku gaareen Madaxweyne Xasan iyo Abiy Axmed, waxa ayna heahiis is-afgarad ah ka gaareen xiisadii ka dhalay heshiiskii Abiy la galay Somaliland.
Dawladda Soomaaliya ayaa sheegtay in ay ka go’an tahay inay xiriir wanaagsan la yeelato dalalka deriska ah, iyadoo xiriirkaas saldhig looga dhigayo ixtiraamka buuxa ee madaxbannaanida, midnimada, iyo wadajirka dal kasta.
