Allbanaadir.com
NEWS

Hoggaamiyaha cusub oo Suuriya oo qaadaya Tallaabo muhiim ah

Laba todobaad kaddib marki ay xakunka si lama filaan ah uga tuureen madaxweynihi hore ee Suuriya Bashar Al Asad, ayuu hogaamiyaha cusub ee Suuriya Axmed Al Sharca Axaddii shalay shaaciyay, in dhammaan hubka gacanta ugu jira kooxaha kala duwan ay la wareegi doonto dowladda cusub.

Sharca oo ka dhinac hadlayay Wasiirka Arrimaha Dibadda Turkiga Hakan Fidan, kaddib kulan gaar ah oo yeesheen ayaa wacad ku maray in dowladda cusub ay sidoo kale dhameyn doonto faragelinnadi tabnaa ee ay dowladdi hore ku heyn jirtay dalalka deriska ah.

Wuxuu carrabka ku adkeeyay in kooxaha hubeysan ay billaabi doono in ay hubka dhigaan isla markaana ku biiraan ciidanka millatariga.

Axmed Al Sharca ayaa sidoo kale sheegay in jabhadda Kurdiyiinta Suuriya ee loo soo gaabiyo SDF ay ka mid yihiin xooggaga ay dowladda cusub ka dooneyso in ay hubka dhigaan.

Turkiga ayaa taageeray jabhadaha Suuriya ee xakunka ka riday Bashar Al Asad 8-dii bishaan December, ee sanadkaan 2024-ka, waxana jabhadahaasi ugu tun weyn Xayaat Taxriir Al Sham oo uu hogaaminayay Axmed Al Sharca oo ku magac dheer Abu Maxamed Al Julani.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Safarka la sheegay in Madaxweyne Farmaajo ku tagayo Hargeysa oo lasoo dhaweeyay

Cabdi Cade

Maroodiyaal badan oo laga rarayo Goob laga helay Dheyman qaali ah

Cabdi Cade

Madaxweyne Siciid Deni oo Wareegto ku magacaabay la taliye cusub (Akhriso)

Caydiid Ali
Taboola Ads ---