Ciidanka Hay’adda Sirdoonka iyo Nabad-sugidda dowladda Jubbaland ayaa caawa ku guuleystey fashilinta miino nooca dhajiska ah oo Al shabaab ay rabtay inay ku bartilmaameedsadaan shacabka Kismaayo.
Miinadan ayaa caawa ciidanka ku qabteen xaafadda Farjanno ee magaalada Kismaayo, kadib markii shacabka xaafaddaasi ay laamaha amniga ku wargeliyeen.
Waxaa goobta ka qaaday oo markiiba gaaray ciidamada amaanka iyadoo aan qarxin, waxayna saraakiishu sheegeen iney ku daba jiraan kooxihii watay.
Kismaayo ayaa mudooyinkan aheyd meel ka nabdoon qaraxyada iyo weerarada kale ee ay geystaan Al Shabaab ka dib dedaalo ay sameeyeen ciidamada amaanka Jubbaland.
