Guddoomiyaha golaha Shacabka ee Baarlamaanka Federaalka Soomaaliya Mudane Sheekh Aadan Maxamed Nuur (Madoobe) iyo wafdi uu hogaaminayo ayaa gaaray Magaaladda Baydhabo ee xarunta KMG ah ee maamul goboleedka Koonfur Galbeed.
Wafdiga guddoomiyaha Golaha Shacabka waxaa garoonka diyaaradaha ee Shaatigaduud kusoo dhoweeyay Madaxweynaha Koonfur Galbeed Mudane Cabdicasiis Xasan Maxamed (Laftagareen), wasiiro Iyo xildhibaano ka tirsan Koonfur Galbed iyo qeybaha kala duwan ee bulshada magaaladda Baydhabo.
Wafdiga guddoomiyaha Golaha Shacabka ee Baarlamaanka Jamhuuriyadda Federaalka Soomaaliya oo ay ka mid yihiin Wasiirro katirsan Xukuumadda Soomaaliya ayaa Baydhabo uga qeyb galaya xuska sanad guurada lixaad ee Madaxweynaha Koonfur Galbeed Mudane Cabdicasiis Xasan Maxamed (Laftagareen).
Magaalada Baydhabo ayaa waxaa ka socota qaban qaabada xaflad weyn oo lagu xusayo sannadka guurada lixaad ee kasoo wareegtay markii la doortay Madaxweynaha talada maamulkaasi haya, iyadoona xusid mudan tahay afartii sanno ee sharciga ahaa mar hore dhammaatay uuna wali kasii taliyo halkaasi.
Xafiiska Shabakada Allbanaadir.com
Muqdisho Somalia
Allbanaadir@live.com
