Guddoomiyaha gobolka Banaadir ee xafiiska sii baneynaya Mudane Sheekh Yuusuf Xuseen Jimcaale (Madaale) ayaa aqalka dowladda hoose ee Xamar kusoo dhaweeyay guddoomiyaha cusub ee gobolka Banaadir ahna duqa magaalada Muqdisho Mudane Maxamed Axmed Amiir.
Guddoomiyaha cusub ayaa aqalka dowladda Hoose ee Xamar kulan kula yeeshay guddoomiye kuxigeenada maamulka gobolka Banaadir , asigoona sidoo kale kormeer ku tagay xarumaha kala ah; caafimaadka, dad-dhigista, gaadiidka, gurmadka deg-dega, dhalinyarada iyo xarumo kale oo ka tirsan waaxyaha dowladda Hoose ee Xamar.
Guddoomiye Maxamed Axmed Amiir ayaa u kuur-galay howlaha shaqo ee ka socda waaxyaha uu maanta booqday, asigoona warbixin ka dhageystay madaxda waaxyaha, waxa uuna ku amaanay maamulka iyo shaqaalaha shaqada ay dadka u hayaan.
Duqa cusub ee magaalada Muqdisho ayaa lagu wadaa in dhawaan si rasmi ah xilka ula wareego, waxaana socota qaban qaabada munaasabd weyn ay xilka kula kala wareegayaan guddoomiyaha cusub ee gobolka iyo guddoomiyihii hore.
Xafiiska Shabakada Allbanaadir.com
Muqdisho Somalia
Allbanaadir@live.com
