Dowlad goboleedka Jubbaland ayaa maanta mar kale deegaanka Raaskanbooni ee gobolka Jubbada Hoose , waxa ay diyaarad ka saareen askar katrirsan ciidanka dowladda Soomaaliya, kuwaa oo dhawaan lagu qabtay dagaalkii ka dhacay Raaskanbooni.
Saraakiil katirsan ciidanka maamulka Jubbaland iyo masuuliyiin kale, ayaa garoonka diyaaradaha Raaskanbooni ka sagootiyay askarta katirsan Gorgor iyo Haramcad ee maanta loo dhoofinayay magaalada Muqdisho oo markii hore laga qaaday.
Askarta maanta diyaarada la saarayay ayaa wajiyadooda waxaa ka muuqatay farxad, waxa ayna qaarkood sheegeen in lagu soo qalday keenistii deegaanka Raaskanbnooni ayna raali ka aheyn, waxa ayna xuseen in ay ku faraxsan yihiin in iyaga oo nabbad qabo dib loogu celiyo Muqdisho.
Maamulka Jubbaland ayaana hubkii ay wateen iyo saanadii ciidan ee kale ka reebtay askarta ay dib ugu celiiyeen magaalada Muqdisho, waxa ayna sheegeen in askartan ahaayeen kuwa ay soo qaldeen Xasan Sheekh iyo Xamse Cabdi Barre.
Xafiiska Shabakada Allbanaadir.com
Muqdisho Somalia
Allbanaadir@live.com
