Madaxweyne Cirro oo magacaabistii ugu horreysay maanta sameeyay

Madaxweynaha cusub ee maamulka Somaliland, Mudane Cabdiraxmaan Maxamed Cabdillaahi (Cirro) ayaa  wareegto Madaxweyne oo summadeedu tahay JSL/XM/WM/222-002/122024 uu ku magacaabay Af-hayeenka cusub Madaxweynaha Somaliland.

Wareegtada uu soo saaray Madaxweyne Cirro ayuu ugu magacaabay afhayeenkiisa cusub Eng Xuseen Aadan Cige (Deyr) oo kamid ah xubnaha aadka ugu dhaw dhaw, waxaa sidoo kale la filayaa Madaxweynaha in uu xilal kale oo Wasiirro ay kamid yihiin magacaabo.

Wareegatada magacaabista ayaa u qorneed sida tan:

Waxaanay u dhignayd Wareegtada Madaxweynuhu Sidan:-

Wareegto Madaxweyne

Magacaabid

Markii aan arkay: Qoddobka 90aad ee Dastuurka Jamhuuriyadda Somaliland;

Markii aan arkay: Aqoontiisa, Kartidiisa, iyo Waayo-aragnimadiisaba;

Markii aan ku qancay: In uu hanan karo mas’uuliyadda ka dhalanaysa xilkan;

Markii aan sameeyey: La-tashi;

Waxa aan go’aamiyey;

In Eng Xuseen Aadan Cige (Deyr) laga bilaabo taariikhda maanta uu ahaado Af-hayeenka Madaxweynaha Jamhuuriyadda Somaliland.