Dowlad goboleedka Jubbaland , ayaa ku eedeeysay ciidanka dowladda Soomaaliya ee ku sugan deegaanka Raaskanbooni in saakay weerar kusoo qaadeen ciidamo katirsan daraawishta Jubbaland oo fariisimo ku lahaa deegaanno dhaca duleedka Raaskanbooni.
Wasiir kuxigeenka Wasaaradda Amniga Jubaland Mudane Aaden Axmed Xaaji, oo warbaahinta la hadlay ayaa sheegay in ciidanka dowladda oo adeegsanaya diyaarado Drone ah in saakay weerar kusoo qaadeen ciidanka Jubbaland ee ku sugan duleedka Raaskanbooni.
Waxa uu sheegay Wasiirka in weerarka dowladda soo qaaday kaddib uu halkaasi ka qarxay dagaal xooggan oo labada dhinac dhax maray, waxa uuna sheegay in dagaalka dhinacooda guulo ka gaareen ayna ku jabiyeen ciidankii weerarka kusoo qaaday.
Wasiirka ayaa sidoo kale nasiibdarro ku tilmaamay in hubkii dowladda loogu deeqay markii xayiraada hubka laga qaaday in maanta lagu soo weerarao deegaannada Jubbaland, isagoona wax laga xumaado ku tilmaamay in ciidankii aagga kuwada jiray maanta la iska horkeenay.
Wasiirka ayaa sidoo kale sheegay in ay baarayaan soona bandhigayaan diyaaradaha Dronka ee maanta lagu soo weearray cidda iska leh, waxa uuna wax laga xumaado ku tilmaamay in dowladda ay si khaldan u adeegsaneyso diyaarado iyo hub dowladda loogu deeqay.
Xafiiska Shabakada Allbanaadir.com
Muqdisho Somalia
Allbanaadir@live.com
