War-saxaafadeed goordhaw kasoo baxay Wasaaradda Gaashaandhigga Soomaaliya, ayaa looga hadlay dagaal saakay duleedka deegaanka Raaskanbooni ee gobolka Jubbada Hoose ku dhax maray ciidanka dowladda iyo kuwa maamulka Jubbaland.
Wasaaradda Gaashaandhigga warka kasoo baxay ayaa lagu sheegay in dagaalka saakay uu bilowday kaddib markii ciidamo katirsan maamulka Jubbaland weerar kusoo qaadeen fariisimo ay lahaayeen ciidanka xogga dalka iyo kuwa Haramcad.
Warka ayaa lagu sheegay in Wasaaradda Gaashaandhigga si gaar ah ula socoto qorshe uu Axmed Madoobe xiriir kula sameeyay Al Shabaab, taas oo la sheegay in ay keentay in ay Al Shabaab oggolaadaan in ciidanka Axmed Madoobe dhax maraan , si ay weerar ugu qaadaan Raaskanbooni.
Xafiiska Shabakada Allbanaadir.com
Muqdisho Somalia
Allbanaadir@live.com
