Madaxweynaha la doortay ee Mareykanka Donald Trump ayaa ballanqaaday inuu joojinayo nidaamka cunug kasta ee Mareykanka ku dhasha xaqa u siinaya in uu noqdo muwaadin.
Trump ayaa sheegay in uu Dimuqraadiga kala shaqeynayo sidii loo caawin lahaa qaar ka mid ah muhaajiriinta aan sharciga haysan ee carruurnimo lagu keenay dalka.
Donald Trump wuxuu kaloo ballanqaaday dadka ku lugta lahaa rabshadihii 2021-kii ee Capitol inuu saamaxayo maalinta ugu horeysa ee xafiiska uu yimaado bisha dambe.
“Dadkan cadaab ayey ku nool yihiin,” ayuu ku yiri wareysigii ugu horeeyay ee uu siiyay NBC ilaa iyo markii uu ku guuleystay doorashada bishii Nofembar.
Trump ayaa ballanqaaday amaro badan oo madaxweyne oo ay ku jiraan kuwa soo galootiga, tamarta iyo dhaqaalaha marka la caleemo saaro 20-ka bisha Janaayo ee sanadka dambe.
Inkasta oo uu sheegay in uusan waaxda caddaaladda ka dalbaneyn in baaris lagu sameeyo Joe Biden, haddana waxa uu sheegay in qaar ka mid ah la-taliyayaashiisa siyaasadda oo ay ku jiraan sharci-dajiyayaasha baarirsta ku sameeyay rabshadihii Capitol inay tahay in la xiro.
