Raisal Wasaaraha Israa’iil Benjamin Netanyahu ayaa la filayaa in manta la soo taago maxkamad ku taalla Tel aviv iyadoo looo heysto eedeymo musuqmaasuq ku takri fal awoodeed,
Dacwad oogayaasha ayaa ku eedeeyay inuu u sameeyay tanaasulaad sharci milkiilayaasha warbaahin si ay xoogga u saaraan wararka wanaagsan ugana weecdaan wararka xanafta leh, iyo inuu aqbalay hadiyado qaali ah.
Waxyaabaha kale ee lagu eedeynayo waxaa ka mid ah inuu horumarin ku sameeyay dano shaqsiyadeed iyadoo Netanyahu uu beeniyay eedeymaha.
Waxaa uu noqonayaa hoggaamiyihii ugu horreeyay ee Israa’iil oo isaga xil haya muujiya inuu iska difaacayo eedo loo haysto.
Netanyahu ayaa marar badan isku dayay inuu dib u dhigo maxkamadayntiisa sababo la xiriira dagaalka Qasa iyo arrimo amni, balse todobaadkii hore ayay garsoorayaashu amar ku bixiyeen in dacwadda la sii wado.
Dhawaan ayay ahayd markii garsoorayaasha maxkamadda caalamiga ah ee dambiyada dagaalka adduunka ee ICC, ay soo saartay amar lagu soo xirayo Netanyahu oo lagu eedeeyay dambiyo dagaal oo ka dhacay sanadkii u dambeeyey intii uu socday ololaha Israel ee ka dhanka ah kooxaha hubeysan ee falastiiniyiinta.
