Britain ayaa sheegtay inay ka fiirsaneyso inay liiska ururada argagixisada ka saarto kooxda mucaaradka HTS oo ah mid ka mid ah kooxihii hogaaminayay afgambiga dowladdii Assad.
Wasiir ka tirsan Xukuumadda Pat McFadden ayaa carrabka ku adkeeyay in go’aanku uu ku xirnaan doono ficillada kooxda, laakiin waxa uu qiray in hoggaamiyahooda (Abu Mohammed al-Jawlaani) uu sheegayo waxyaabaha saxda ah ee ku saabsan ilaalinta dadka laga tirada badan yahay iyo in la ixtiraamo xuquuqda dadka.
Mucaaradka la wareegay talada Siiriya ayaa shaaciyey balanqaadyo waaweyn oo ay ka mid yihiin ilaalinta dadka laga tirade badan ee shiicada calawiyiinta ah ee uu ka tirsanaa Madaxweynihii xukunka laga tuuray Asad kuwaasoo dalkaas xukumayey muddo 53 sano ka badan.
Waxay sidoo kale balanqaadeen iney ku dhaqmi doonaan shuruucda caalamiga ah ee ilaalinta deris wanaaga, cadaalada iyo sinaanta shacabka dalka Siiriya, waxaana arrimahaas si weyn u soo dhoweeeyey dalalka caalamka oo ka cabsi qabay iney dalkaas ka dhacaan falal aargoosi ah.
