Taliyaha Ciidanka Boliiska Soomaaliyeed S/Guuto, Asad Cismaan Cabdullaahi , ayaa gudoominayay shirka amniga ee Caasimada kaasi oo ka dhacay Xarunta Taliska Ciidanka Boliiska soomaaliyeed, waxaana kasoo qeyb galay saraakiisha kala duwan ee hay’adaha Amaanka.
Taliyaha Ciidanka Boliiska Soomaalieed, oo warbixino dhanka amaanka iyo howlgaladii u danbeeyay ka dhageystay saraakiisha ayaa faray in ladardar galiyo amniga caasimada iyo sidii loogu adeegi lahaa Bulshada ku dhaqan Caasimada.
Mudooyinkii dambe Taliyaha Ciidanka Boliiska Soomaalieed, waxaa uu dadaal ugu jiray sidii isbadal xaga amniga looga heli lahaa oo uu kawaday guud ahaan dalka gaar ahaan Caasimada iyo Nawaaxigeeda.
Ammaanka magaalada Muqdisho ayaa muddooyinkii lasoo dhaafay soo hagaagayay, wadaana yaraaday dilalkii iyo qaraxyadii ka dhici jiray qeybo kamid ah magaalada Muqdisho.
