Madaxweynaha dowlad goboleedka Soomaaliyeed ee Puntland Mudane Siciid Cabdullaahi Deni, ayaa maanta dhagax dhigay dhismaha waddada isku xiri doonta barxada magaalada iyo kuliyadda tababarka ciidanka booliska ee Carmo.
Waddadan cusub ee maanta dhismaheeda dhagax dhigay Siciid Deni ayaa laga dhigayaa laami , waxaana waddadan dhererkeeda lagu sheegay in uu dhan yahay 2KM, waxaa lagu dhisaya qorshaha maamulka Puntland ee ah isku- tashiga.
Madaxweynaha maamulka Puntland Siciid Deni , ayaa intii uu talada Puntland hayay fuliyay mashaariic badan oo lagu dhisay waddooyin iyo kaabayaal kale oo dhaqaale, waxa uuna Siciid Deni deegaannada Puntland gaarsiiyay horumaro ka duwan maamulada kale ee dalka ka jira.
Waddooyin badan oo kuyaalla magaalooyin dhowr ah oo katirsan Puntland ayaa laga dhigay laami casri ah, waxaa sidoo kale socda qorshayaal kale oo lagu dhisayo waddooyin kale oo burbursan oo isku xira magaalooyin kala duwan oo katirsan deegaannada Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
