Guddoomiyaha gobolka Banaadir ahna duqa magaalada Muqdisho ayaa ka qeyb-galay isku soo bax bulshada caasimadda Muqdisho qaarkood ay ku taageerayeen go’aankii labada Aqal ee Baarlamaanka Jamhuuriyadda Federaalka Soomaaliya ay ku meel mariyeen xeerarkii doorashooyinka, xisbiyadda iyo guddiga doorashada iyo sohdimaha dalka.
Sidoo kale boqolaal shacab ee isugu soo baxay Taalada Daljirka Dahsoon ayaa waxa ay cod dheer ku taageereen go’aanka Madaxweynaha Jamhuuriyadda Federaalka Soomaaliya iyo Xukuumada Dan-Qaran ee ah in dalka uu aaday doorasho Qof iyo Cod, si muwaadinka uu u helo xuquuqdiisa dastuuriga ah ee uu ku dooran karo madaxda dalka.
Dadkii ka hadlay dibadbaxan maamulka gobolka Banaadir soo abaabulay qarash badana ku bixiyay ayaa sheegay in ay taageerayaan in dalka ka dhacdo doorasho qof iyo cod ah , lagana gudbo qabashada doorsho qof iyo cod ah.
Duqa Muqdisho Yuusuf Madaale oo ka hadlay dibadbaxa ayaa shacabka ugu baaqay isku duubni iyo in lagu kalsoonaado doorasho qof iyo cod si muwaadin kasta oo codkiisa u dhiibto, isagoona caddeeyay in ay taageeraan in dalka ka dhaco doorasho qof iyo cod ah.
