Madaxweynaha Ruushka, Vladimir Putin ayaa xaqiijiyay in markii ugu horeysay uu Ruushka adeegsaday gantaal ballistic ah ee riddada dhexe oo cusub, kaasoo qaatay magaca Oreshnik
Gantaalkan ayaa ku socon kara xawaaraha Mach 10 oo la macno ah 3km inuu jari gaari karo ilbiriqsigiiba, waxaana lagu xiray nidaamka hypersonic-ga, si la mid ah wuxuu awooddaa in lagu xiro madaxyo nukliyeer ah
Waxaa lagu garaacay saldhig lagu horumariyo gantaallada oo ku yaalla magaalada Dnipro ee bariga dalka Ukraine.
Putin, wuxuu ku ammaanay gantaalkan inaysan celin karin nidaamyada difaaca Mareykanka iyo Yurub, isagoo ku sheegay adeegsigiisa inuu jawaab u yahay weerarrada ay Ukraine u adeegsatay gantaallada riddada dheer ee reer galbeedka.
“Gantaallada reer galbeedka ayaa duqeeyey xarumaha Ruushka ee Bryansk iyo Kurs, taasi waa sababta Ruushku xaq ugu leeyahay inuu hubkiisa u isticmaalo xarumaha militariga ee dalalkaas kaddib weeraradii gantaalada riddada dheer ee Ukraine ay qaadday, colaadda gobolka waxa ay yeelatay weji caalami ah haddii ay dhacdo koror, Ruushku wuxuu ku jawaabi doonaa si adag.” ayuu yiri Putin.
