Allbanaadir.com
NEWS

Guddoomiyaha cusub ee Golaha Wakiiladda Jubbaland oo la doortay

Golaha cusub ee Wakiillada dowlad goboleedka Jubbaland , ayaa goordhaw magaalada Kismaayo ee xarunta KMG ee maamulka Jubbaland ku doortay guddoomiyaha cusub ee golahaasi hoggaamin  doona, kaddib doorasho natiijadeeda lasii ogaa oo halkaasi ka dhacday.

Kursiga guddoomiyaha Golaha Wakiillada Jubbaland waxaa ku tartmayay  Cabdi Maxamed Cabdiraxmaan oo horey u ahaa guddoomiyaha golaha Wakiiladda Jubbaland iyo musharax kale oo lagu magacaabo Xildhibaan Ismaaciil Cabdi Keeroy.

Doorashada waxaa ku guuleestay musharax Xildhibaan Cabdi Maxamed Cabdiraxmaan oo helay codad gaaraya 65 cod, halka musharaxa la tartamayay Xildhibaan Ismaaciil Cabdi Keeroy isna helay 7-cod oo kaliya, waxaana xumaaday labo cod oo kale.

Guddoomiyaha Golaha Wakiiladda Jubbalanad , ayaana markii saddexaad waxaa ku guuleestay Cabdi Maxamed Cabdiraxmaan oo muddo ka badan 10-sanno kursigan ku fadhiya, waxa ayna ninkan isku xilli soo bilowdeen Madaxweynaha Jubbaland Axmed Madoobe.

Doorashada Madaxweynaha Jubbaland oo iyana lagu wado in 25-ka bishan ka dhacdo magaalada Kismaayo , ayaa sida lasii og yahay waxaa kusoo bixi doona hoggaamiyaha aan dhicin ee Jubbaland Axmed Maxamed Islaam (Maoobe).

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Madaxweyne Deni oo weerar afka ah ku qaaday Siyaasiyiinta damaciisa kasoo horjeeda

Cabdi Cade

Carcarta Siyaasadda Dib uheshiinta iyo Dib uggurshada Imaaraadka Carabta !!

Cabdi Cade

Lacagaha ay ku xajinayaan xujeyda reer Afgaanistan oo ka yar kuwa Soomaaliya

Cabdi Cade
Taboola Ads ---