Guddoomiyaha gobolka Banaadir Mudane Yuusuf Xuseen Jimcaale (Madaale) ayaa kulan la qaatay guddiga kumeel gaar ah ee labada Aqal Baarlamaanka JFS ee u xilsaaran diyaarinta xeerarka doorashooyinka, ururada, xisbiyadda JFS, sharciga dhismaha guddiga doorashooyinka iyo soohdimaha dalka.
Maamulka gobolka Banaadir ayaa guddiga labada Aqal ee Baarlamaanka la wadaagay talooyin la xiriira hindise sharciyeedyada xeerka doorashooyinka dalka ee horyaala Baarlamaanka Jamhuuriyadda Federaalka Soomaaliya.
Guddoomiyaha guddiga Xildhibaan Mahdi Maxamed Guuleed iyo xubnaha kale ee guddiga ayaa ugu mahadceliyay maamulka gobolka Banaadir soo jeedinta talooyinka ku aadan xeerka doorashooyinka, iyagoona balan qaaday in ay tixgalin doonaan.
guddiga kumeel gaar ah ee labada Aqal Baarlamaanka JFS ee u xilsaaran diyaarinta xeerarka doorashooyinka, ayaa Muqdisho ka bilaabay kulamo ay ku aruurinayaan tallooyin la xariira hindise sharciyeedka xerka doorashooyinka iyo dhismaha asxaabta.
Xafiiska Shabakada Allbanaadir.com
Muqdisho Somalia
Allbanaadir@live.com
