Afhayeenka dhinaca militariga ee kooxda Xuutiyiinta Yemen, Yaxye Sariic ayaa sheegay inay gantaallo iyo diyaaradaha aan duuliyaha lahayn ku weerarreen markabka diyaaradaha xambaara ee Abraham Lincoln xilli uu ku sugnaa badda Carabta.
Markabkan ayaa ka mid ahaa maraakiibta dagaalka ee ugu muhiimsan Mareykanka, , sidoo kale labo markab oo burburiyaal ah oo Mareykanka uu leeyahay ayuu sheegay inay ku weerarreen badda cas.
Weerarkaa ayaa loo adeegsaday gantaallo iyo diyaaradaha aan duuliyaha lahayn, iyadoo weerarradan uu ku sheegay inay jawaab u yihiin duqeymaha ay saacadihii hore ee maanta ka geysteen diyaaradaha Mareykanka iyo Ingiriiska gudaha Yemen.
Dhinaca kale, Xisbullah ayaa ku dhawaaqday inay weerareen saldhig ciidan iyo 5 deegaan oo ku yaal waqooyiga Israel.
Kooxda ayaa sidoo kale sheegtay in ay ka hortageen laba diyaaradood oo nooca aan duuliyaha lahayn ah oo ay Israel leedahay.
