Allbanaadir.com
NEWSWORLD NEWS

Qoraal lagu xusayo Saadam Xuseen oo lagu arkay xaafad kutaala London (Daawo Sawirro)

Dadka kunool xaafad katirsan magaalada London ee caasimada dalka Ingiriiska ayaa lama filaan waxaa ku noqotay in xaafadooda ku arkaan qoraal lagu xusayo Saadaam Xuseen Madaxweynihii hore ee dalka Ciraaq.

Qoraalka oo lagu dul qoray bir lasoo qurxiyay ayaa laga taagay wado dhax marta xaafad katirsan magaalada London, waxaana qoraalka oo kalgaceyl ka muuqday lagu qoray taariikhdii uu dhashay Saadam ee 1937 iyo taariikhdii la dilay oo aheyd 2006.

Qaar kamid ah dadka kunool xaafada lagu arkay qoraalka lagu xusayay Saadaam Xuseen ayaa aad uga carooday, waxa ayna dadka qaar sheegeen in ay aad u dhibsadeen qoraalkaasi ay arkeen.

”Run ahaantii aad baan u argagaxay, anoo socda un baan isha ku dhuftay qoraalkaas, run ahaantii aad baan u dhibsaday, waxaanan isku dayey bal inaan hubsado in waxaan arkayaa dhab yahay iyo in kale”.Ayey tiri haweeney kamid ah dadka deegaanka.

Qoraalkan xasuusta Saadaam Xuseen ayaa markii dambe laga fujiyay halkii lagu dhajiyay, waxa ayna sheegeen maamulka deegaanka in aysan jirin cid ay ruqsad u siiyeen in qoraalkan  goobtaasi ku dhajiso.

Xafiiska Shabakada Allbanaadir.com
Muqdisho Somalia

Allbanaadir@live.com

Related posts

Wararkii ugu dambeeyey Qaraxyadii Sri-lanka & geerida oo tirabeel noqotay (Sawirro)

Caydiid Ali

Biden oo taageero u muujiyey Israel, kana fogeeyey duqeyntii Isbitalka Gaza (Sawirro)

Caydiid Ali

Jabuuti oo sheegtay inuu Khasaare u geystay dagaalka ka socda Itoobiya

Caydiid Ali
Taboola Ads ---