Madaxweynaha la doortay ee dowladda Mareykanka Donald Trump, ayaa u magacaabay sargaal hore oo katirsanaa ciidanka booliiska in uu noqdo kormeeraha xuduudaha, si uu uga hortago qulqulka muhaajiriinta Mareykanka sharcidarrada kusoo gasha.
Tom Homan, oo 62 jir ah, ayaa ah sargaal khibard badan leh oo kasoo shaqeeyay hay’adda socdaalka iyo jinsiyadaha dowladda Mareykanka ,ayaa hadda loo xilsaaray kormeerka iyo ilaalinta xuduudaha Mareyakanka .
Ninkan uu magacaabay Madaxweyne Donald Trump, ayaa sidoo kale ka shaqeyn doona hirgalinta ballanqaadkii Madaxweynaha sameeyay ee ahaa ka hortaga iyo musaafurinta muhaajiriinta tirada badan ee ku sugan dalka Mareykanka.
Tom Homan , ayaa wareysi uu horey u bixiyay intii uu socday ololihii doorashada Madaxweyne Trump ayuu sheegay in muhiim tahay in la sameeyo siyaasadda musaafurinta muhaajiriinta sharcidarrada ah, waxa uuna caddeeyay in Mareykanka dhibaatooyin badan ka dhaxlay socdaalka sharcidarrada ah.
Xafiiska Shabakada Allbanaadir.com
Muqdisho Somalia
Allbanaadir@live.com
