Qaar ka mida Xildhibaanada Baarlamaanka Soomaaliya labadiisa Aqal ku matala Dowladda Jubbaland, oo shalay gaaray magaalada Kismaayo ayaa jawi dalxiis ku qaatay xeebta Liido ee magaaladaas.
Xildhibaanadan Kismaayo gaaray iyo kuwo kale oo lagu wado in maanta magaalada yimaadaan ayaa ka qeyb gali doona, kulan wadatashi ah oo uu ku casuumay Madaxweynaha Dowladda Jubbaland Ahmed Mohamed Islaam.
Kulanka ayaa looga hadlayaa sidoo wax looga qaban lahaa xiisada siyaasadeed ee ka dhex aloosan Jubbaland iyo federaalka taasoo salka ku haysa arrimaha doorashooyinka oo lagu kala aragti duwan yahay.
Axmed Madoobe ayaa dhowaan ka baxay shirka golaha wadatashiga ee ka socday Muqdisho markii uu ku adkeystay inuu qabsanayo doorasho dadban halka madaxda federaalku doonayaan in muddo kordhin sanad ah la siiyo madax goboleedyada ka dibna la qabto doorasho dadweyne.
