Labo markab oo mid ka mid ah uu yahay Markab dagaal iyo mid sida hub ayaa gelinkii dambe ee maanta ku soo xirtay Dekeda Muqdisho.
Shixnadan hub ayaa ah middii labaad oo Masar usoo dirto Soomaaliya taasoo lagu taageerayo ciidanka Xooga dalka Soomaaliyeed.
Masar iyo Soomaaliya ayaa dhawaan kala saxiixday heshiis iskaashi Amni iyo difaac.
Inta badan Waddooyinka Muqdisho ayaa loo xiray daabulida markabka hubka sida, waxaana gelinkii hore ee maanta la hakiyay howlihii Dekeda Muqdisho.
Lama oga illaa hadda noocyada hubka iyo saanada milateri ee uu sido Markabkan, iyadoo dowlada Somalia aysan faahfaahin ka bixin.
