Allbanaadir.com
NEWS

DFS oo ka rareysa Safaarada Itoobiya halka ay hadda ku taal iyo Sababta keentay

Dowladda Federaalka Soomaaliya ayaa wada qorshe ay ku dooneyso in xeyndaabka madaxtooyada Soomaaliya uga rarto safaarada ay halkaasi ku leedahay dowladad Itoobiya, xilli uu hadda neel xun marayo khilaafka u dhaxeeya Soomaaliya iyo Itoobiya.

Wasiirka arrimaha dibadda Soomaaliya Axmed Macalin Fiqi , ayaa sheegay in aysan sax aheyn in safaaradda dowladda Itoobiya ku taallo xeyndaabka Madaxtooyada, waxa uuna xusay in dowladda si deg deg ah halkaasi uga rari doonto safaaradaasi.

Waxa uu sheegay wasiirka in arrin laga habboon yahay ay tahay in safaarada Itoobiya ay xilligan ku dhax taalo xeyndaabka Madaxtooyada, waxa uuna xusay in ay ka shaqeyn doonaan in safaaradaasi dhisato dhulkeedii una guurto.

“Safaaradda Itoobiya madagana dhulkeedii inay ku dhextaal xeyn daabka Madaxtooyada Qaranka waa arrin laga haboon yahay, waxaan ka shaqeyn doonaa sidii ay dhulkeedii hore u dhisan laheyd kaas oo hadda u banaan,” ayuu yiri Wasiir Fiqi.

Wasiir Axmed Fiqi ayaa sheegay in safaaradda Itoobiya dagtay xeyndaabka madaxtooyada Soomaaliya xilligii dowladii Cabdullaahi, waxa uuna tilmaamay in ay nasiibdarro tahay in xilligan safaarada kusii taallo halka looga taliyo dalka.

Wasiirka Arrimaha Dibadda Soomaaliya, ayaa sidoo kale sheegay in ay ku qasbi doonaan dowladda Itpobiya in safaaradeeda ka rarto aagga Maaxtooyada ama iyagana dhankooda ka codsan doonaan in dhul laga siiyo madaxtooyada Itoobiya si safaaradooda u degto.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Taliyaha Ciidanka Xoogga dalka oo War ka soo saaray dadkii lagu laayey degaanka Gololey

Caydiid Ali

Caasimada Hirshabelle oo gashay Go’doon iyo Maamulka oo ka hadlay (Sawirro)

Cabdi Cade

(Akhriso) Magacyada Beelaha & Xildhibanada ku fadhiya 21ka kursi ee ay shaacisay Galmudug

Caydiid Ali
Taboola Ads ---