Ururka Xisbullaah ayaa suqeymo culus ay u adeegsadeen gantaallo iyo madaafiic ku garaacay goob ay ku sugnaayeen ciidamo katirsan milatariga Israa’iil, waxaana lagu soo waramayaa in duqeynta khasaaro kasoo gaartay ciidamada Israa;’iil.
War kasoo baxay ururka Xisbullaah ayey ku sheegeen in saakay oo Khamiis ah duqeyn ku garaaceen goob ay shir ku lahaayeen ciidamo iyo saraakiil katirsan Israa;’iil, waxa ayna kooxda ku sheegtay goobta ay beegsadeen in ay ku taallo bariga magaalada Khiyaam.
Ururka Xisbullaah ayaa sidoo kale sheegay in gantaallo iyo diyaarado aan duuliye laheyn ku weerareen saldhigyada ciidamada milatariga Israa’iil iyo xerooyinka lagu tababaro ciidamada oo kutaalla koonfurta Haifa iyo bariga Tel Aviv.
Waxa ay sheegeen Xisbullaah in weeraro kala duwan oo dagaalyahandooda qaadeen saacadihii lasoo dhaafay khasaarooyin kala duwan ku gaarsiiyeen ciidamada Israa’iil, waxa ayna sheegeen in ay sii wadayaan duqeymaha iyo weerarada ka dhanka ah Israa’iil.
Weerarkan ayaa imaanaya xilli uu hoggaamiyaha cusub ee ururka Xisbullaah Naciim Qaasim , shaaca ka qaaday in ay sii wadayaan dagaalka ay kula jiraan Israa’iil, waxa uuna sheegay in aysan marnaba is dhiibi doonin ayna xanuun badan gaarsiin doonaan ciidamada Israa’iil.
Xafiiska Shabakada Allbanaadir.com
Muqdisho Somalia
Allbanaadir@live.com
