Ciidamo milatari ah oo lagu qiyaasay 10,000 oo askari oo u dhashay Waqooyiga Kuuriya ah ayaa loo diray dalka Ruushka si ay tababar ugu soo qaataan, sidoo kale ciidamada Ruushka gaan uga siiyaan dagaalka ay kula jiraan Ruushka sida ay shaacisay wasaadaradda Difaaca Mareykanka ee Pentagon.
Wasaaradda Difaaca Mareykanka ayaa ku dhawaaqday, in tirada askarta u dhalatay Kuuriyada Waqooyi ee loo diray Ruushka ay sii kordheen, waxa ayna xustya in tallaabadan kor u qaadeyso cabsida laga qabo in dagaalka Ruushka ka wado Ukrine sii ballaarto ayna qeyb ka noqdaan ciidamada Kuuriytada Waqooyi.
Afhayeenka Pentagon Sabrina Singh ayaa sheegtay in qaar ka mid ah ciidamada Kuuriyada Waqooyi ee loo daabulay bariga Ruushka, gaar ahaan xadka Ukraine si ay tababar ugu qaataan markii hore lagu qiyaasay ilaa 3-kun oo askari balse hadda tiradaasi kasii bateen
“Qeyb ka mid ah askartaas ayaa mar horeba u soo dhawaaday Ukraine, waxaana aad uga walaacsanahay in Ruushku uu doonayo inuu askartan u isticmaalo dagaalka ama inuu taageero howlgallada dagaalka ee ka dhanka ah ciidamada Ukraine ee ku sugan gobolka Kursk ee Ruushka ee u dhow xadka Ukraine,” Singh ayaa u sheegay suxufiyiinta.
Madaxweynaha Kuuriyada Koonfureed Yoon Suk-yeol ayaa isna sheegay in ciidamada Kuuriyada Waqooyi ee la geeyay Ruushka ay halis ku yihiin amniga qaranka dalkiisa iyo beesha caalamkaba, i waxa uu ku tilmaamay iskaashiga milatari ee u dhaxeeya Ruushka iyo Kuuriyada Waqooyi mid sharcidarro ah.
Dhinaca kale Xoghayaha guud ee NATO Mark Rutte ayaa horaantii Isniintii sheegay in ciidamo u dirista Kuuriyada Waqooyi ee dalka Ruushka ay ka dhigan tahay “kor u kac weyn” oo ku saabsan colaadda Ukraine iyo balaarinta khatarta ah ee dagaalka Ruushka.
“Iskaashiga milatari ee qotoda dheer ee u dhexeeya Ruushka iyo Waqooyiga Kuuriya waxay khatar ku yihiin amniga Indo-Pacific iyo Euro-Atlantic labadaba,” Rutte ayaa u sheegay suxufiyiinta ka dib wadahadal uu la yeeshay wafdi ka socda Kuuriyada Koonfureed .
Dhinaca kale Sarkaal ka tirsan wasaaradda arrimaha dibadda ee Kuuriyada Waqooyi ma uusan xaqiijin wararka ay warbaahintu qortay ee ku saabsan in ciidamo loo diray Ruushka, balse wuxuu sheegay in haddii Pyongyang ay tilaabadaas qaaddo uu aaminsan yahay in ay la jaanqaadi doonto xeerarka caalamiga ah.
Dowladda Ruushka ayaa markii hore meesha ka saartay wararka ku saabsan ku lug lahaanshaha Kuuriyada Waqooyi ee dagaalka ay kula jirto Ukraine . Laakin madaxweynaha Ruushka Vladimir Putin ma uusan beenin in ciidamada Kuuriyada Waqooyi ay ku sugan yihiin Ruushka, wuxuuna sheegay in ay tahay arrin gudaha ah oo ku saabsan sida uu u hirgeliyay heshiis kasta oo iskaashi oo lala galo Pyongyang.
Wasiirka arrimaha dibadda ee Ruushka Sergey Lavrov ayaa iska fogeeyay hadalka Rutte Isniintii wuxuuna xusay in Pyongyang iyo Moscow ay saxiixeen heshiis amni oo wadajir ah bishii June ee la soo dhaafay.
Lavrov waxa kale oo uu sheegay in macalimiin millatari oo reer galbeed ah muddo dheer si qarsoodi ah loogu daabulayey Ukraine si ay uga caawiyaan ciidankeeda adeegsiga hubka riddada dheer ee ay bixiyaan saaxiibada reer galbeedka.
Xafiiska Shabakada Allbanaadir.com
Muqdisho Somalia
Allbanaadir@live.com
