Waxaa saakay magaalada Muqdisho soo gaaray wafdi ka socday dowladda Turkiga, waxaana wafdigan oo dhowr wasaaradood ka socday hoggaaminaya Wasiir ku xigeenka wasaaradda Gaashaandhigga ee Dalka Turkiga.
Garoonka Diyaaradaha Aadan Cadde ee magaalada Muqdisho waxaa kusoo dhaweeyya wafdigan ka socday dowladda Turkiga wasiirro katirsan xukuumadda Soomaaliya iyo masuuliyiin kale, waxaana wafdigan loo galbiyay goobo loogu tala galay in la dejiyo.
Masuuliyiinta ka socota dowladda Turkiga ayaa magaalada Muqdisho u yimid sidii ay qeyb uga noqon lahaayeen soo dhaweynta markabka Turkiga ee dalkeenna u imaanaya sahminta shidaalka Soomaaliya, kaa oo la filayo in uu kusoo xirto dekadda Muqdisho.
Ammaanka dekadda magaalada Muqdisho ayaa si weyn loo adkeeyay, waxaana la joojin doonaa shaqada dekadda ka socota marka uu dekadda kusoo xirto markabka sahminta shidaalka ee Turkiga leeyahay, kaa oo la filayo in maalmaha soo socda Muqdisho soo gaaro.
Xafiiska Shabakada Allbanaadir.com
Muqdisho Somalia
Allbanaadir@live.com
