Ciidanka kumaandooska Soomaaliya oo garab ka helayay ciidanka deegaanka ee ku sugan degmada Ceeldheer, ayaa saacadihii lasoo dhaafay howlgalo ka dhan ah kooxda Al Shabaab ka fuliyay deegaanno dhaca duleedka Ceeldheer.
Sida aan wararka ku helnay ciidanka ayaa howlgal qprsheysan ka fuliyay deegaanno dhaca howdka Ceeldheer , halkaas oo la sheegay in ay ku sugnaayeen dagaallamayaal katirsan kooxda Al Shabaab oo isku aruursnayay dhulka howdka ah.
Ciidamada ayaana la sheegay in ay ka dul dhaceen kooxdii Al Shabaab katirsaneed ee ku sugneed dhulka howdka, waxa ayna halkaasi khasaarooyin xooggan ku gaarsiiyeen kumaandooska Soomaaliya maleeshiyaad katirsan Al Shabaab.
Saraakiisha ciidanka xoogga dalka ayaa sheegay in howlgalka lagu dilay 12-xubnood oo katirsanaa kooxda Al Shabaab, sidoo kale lagu dhaawacay tiro kale oo badan, waxa ayna ciidamada aagga howlgalka ka dhacay ka eryeen maleeshiyaadka Al Shabaab.
Ciidanka xoogga dalka Soomaaliya oo garab ka helaya ciidamada deegaanka, ayaa maalmihi lasoo dhaafay howlgalo ka dhan ah kooxda Al Shabaab ka waday deegaanno dhaca bariga gobolka Galgaduud, waxaana howlgalladaasi khasaarooyin lagu gaarsiiyay kooxda Al Shabaab.
Xafiiska Shabakada Allbanaadir.com
Muqdisho Somalia
Allbanaadir@live.com
