Siiriga digniinta ayaa maanta markii labaad ka dhawaqaya bartamaha Israel, iyadoo Ciidamada Israa’iil ay ku dhawaaqeen in Xisbulah ay gantaalo ku soo weerartay
Warbaahinta Israel ayaa sheegtay in isu socodkii duulimaadyada madaniga ah la joojiyay garoonka Ben Gurion ee magaalada Tel Aviv muddo saacado ah.
Boqolaal kun oo qof ayaa galay dhulka hoostiisa iyo dhismayaal kale oo gabaad ah si aysan waxyeelo uga soo gaarin gantaalada Xisbullah
Dhinaca kale 4 askari ayaa lagu dilay 15 kalana waa lagu dhaawacay koonfurta Lubnaan sida ay sheegeen Ilaha warbaahinta Israel
Askartan ayaa dhimashada iyo dhaawacu ka soo gaareen qarax miino oo ka dhacay koonfurta Lubnaan.
Ururka Xisbullah ayaa shaaca ka qaaday in dagaalyahanadooda ay ka horyimaadeen ciidamada Israel oo gudaha u galay magaalada Aitaruun, isla markaana ay ku qasbeen inay dib u gurtaan
Dhinaca kale Xoogaga Al-Qassam ayaa gudaha u galay xarunta howlgalka ciidamada Israel ee Jabalia sida ay sheegtay Al jazeera.
Guutada Izz al-Diin al-Qassam ayaa ku dhawaaqday in ay weerareen “xarunta hawlgalka ciidamada Israel ee waqooyiga Gaza oo u dhow naadiga Jabalia Camp Club.”
Guutooyinka ayaa sheegay inay isku dhaceen ciidamadii ku sugnaa gudaha xarunta, waxaana ay xaqiijiyeen iney khasaare xoog ugu geysteen ka dib dagaal gacmaha la iskula tagay oo aagaasi ka dhacay.
