Wasiirka Wasaaradda Deegaanka iyo Isbedelka Cimillada Xukuumadda Soomaaliya Amb Khadija Mohamed Al-makhzoumi iyo wafdi ay hogaamineyso, ayaa ka qeybgalay Kalfadhiga 40aad ee Guddiga Sare ee Sanduuqa Green Climate Fund.
Kalfadhigan oo lagu qabtay magaalada Incheon Songdo ee dalka Kuuriyada Koonfureed, ayaa maanta lagu ansixiyey $100 Malyuun oo Doollar, taasi oo lagu fulinayo mashruuc kor loogu qaadayo adkeysiga cimillada ee bulshada Soomaaliyeed.
Wasiir Khadija Mohamed Al-makhzoumi, ayaa ka mahadcelisay ansixinta mashruucan Soomaaliya faa’iidada badan ugu jirto, waxa ayna xustay in mashruucan uu ahaa kii ugu deg dega badnaa ee abid lagu ansixiyo kulanka guddiga sare ee GCFI.
“Taariikh ayey aheyd maanta kadib markii uu mashruucani noqday kii ugu horeeyey ee gaar loogu ansixiyo dalka Soomaaliya iyo sidoo kale waa mashruucii ugu deg degta badnaa ee abid lagu ansixiyo kulanka Guddiga Sare ee GCF! , waxaana tani ay ku timid dadaalka Xukuumadda Dan-Qaran oo kaashaneysa bahwadaagta Caalamiga ah ” ayey tiri Wasiir Amb Khadija Mohamed Al-makhzoumi.
Waxa ay intaa ku dartay wasiirka “Soomaaliya waxa ay la timid ka go”naan wax loogu qabanayo dhibaatooyinka doorsoonka Cimilada, waxaana naga go’an inaan xoojinno iskaashiga gudaha iyo kan dibadda si loo fuliyo mashaariic waxtar u leh dadka iyo deegaanka Soomaaliyeed ”
Xafiiska Shabakada Allbanaadir.com
Muqdisho Somalia
Allbanaadir@live.com
