Dagaal culus ayaa maanta ku dhexmaray degaano ka tirsan gobolka Galgaduud dagaalyahano ka tirsan ciidamada DF iyo kuwa degaanka oo dhinac ah iyo Al shabaab.
Saraakiisha Ciidanka Xoogga dalka & kuwa degaanka ayaa sheegay iney ka hor tageen weerar Al-shabaab doonayeen inay ku qabsadaan fariisin ciidanka DF ku lahaayeen meel u dhaw Degaanka Bood oo ku yaala Xuduudka Gobalada Hiiraan iyo Galgaduud.
“Ciidanka Xaq u dirirka ah ee Deegaanka oo kaashanaya kuwa DF ayaa jilbaha u laabtay cadowga waxaana dagaal socday wax ka badan hal saac ciidanka ay ka soo hooyeen guul taariikhi ah iyagoo jab xoogan gaarsiiyay Argagaxisada” ayuu yiri sarkaal warbaahinta la hadlay.
Al-shabaab ayaa la sheegay iney degaanada Ceel-Xasan Cali, Xintumaal iyo Degaanka Darqoojis ay geeyeen Meydadka iyo dhaawacyadii ka gaaray dagaalka.
