Dagaal ayaa maanta mar kale ka qarxay degmada Luuq ee gobolka Gedo, dagaalkaas oo u dhaxeeya beelo wada dega halkaas.
Maleeshiyooyinka Beelaha Gawaawiin iyo Macalin weyne oo isku hor fadhiyey maalmahan degmada Luuq ayaa isku adeegsaday hub kala nooc ah
Dagaalka ayaa waxaa ka dhashay khasaare dhimasho iyo dhaawac, waxaana goobjogayaal ay xaqiijiyeen dhimashada illaa sideed qof iyo dhaawaca shan kale, kuwaasoo u badan dhinacyadii dagalamay.
Waxa uu dagaalka saaka ku soo beegmayaa xilli shalay odayaasha beelaha ku dagaalamaya ay heshiis, uu ka shaqeeyey maamulka Jubaland, ku kala saxiixdeen magaalada Kismaayo.
Waa markii labaad ee beelahan ay jebiyaan heshiis nabadeed oo ay kala saxiixdaan, lamana oga maanta waxaa soo cusbooneysiiyey dagaalkan.
