Madaxweynaha dowlad goboleedka Hirshabeelle Cali Guudlaawe Xuseen, ayaa xilka ka qaaday Cabdullaahi Cabdi Bariise oo ahaa Hanti-dhowrka Guud ee maamulka Hirshabeelle.
“Madaxweynaha ayaa marka uu arkay qoddobka 60-aad farqadiisa 1-aad xarafka (b) ee dastuurka Dowladda Hirshabeelle iyo sida ay muhiim u tahay in isbeddel lagu sameeyo Hanti-dhowrka Guud ee Hirshabeelle waxa uu Guddoomiyaha Hanti-dhowrka Guud u magacaabay Mudane Axmed Sheekh Nuur Iidle” ayaa lagu yiri wareegto madaxweynaha soo saaray.
Ugu dambeyn Madaxweynaha dowlad goboleedka Hirshabeelle ayaa faray Guddoomiyaha cusub ee Hanti-dhowrka Guud dardargelinta iyo qaabeynta shaqadda loo idmaday.
