Goobo badan oo ganacsi oo kuyaalla degmada Dayniile ee gobolka Banaadir , ayaa la xiray maalmihii lasoo dhaafay, kaddib markii ganacsatada goobahaasi leh ay hanjabaadyo dil ah kala kulmeen maleeshiyaad katirsan kooxda Al Shabaab oo soo wacay.
Sida aan xogta ku helnay dukaaman badan oo kuyaalla laamiga degmada Dayniile , ayaa la xiray kaddib hanjabadayo Al Shabaab uga yimid, ganacsatada loo hanjabay ayaa la sheegay in goobahooda ku xireen kaamirada qarsoon ee CCTV.
Guddiyo ay iska xuleen ganacsatada ayaa u tagay laamaha amniga degmada Dayniile si ay ula socodsiiyaan xaalada lasoo daristay, hasa ahaatee ganacsatada ayaa lagu amray in aysan kaamirada ka bidxn karin goobahooda, haddii ay sidaasi sameeyaana xabsiga la dhigi doono.
Ganacsatada ayaana si joogto ah waxaa u soo wacaya xubno la sheegay in ay katirsan yihiin Al Shabaab , kuwaa oo ganacsatada ku amraya in goobahpooda ka bixiyaan kaamirooyinka CCTV , haddii kale la dili doono ganactasada ama la qarxin doono goobahooda ganacsi.
Cabsida lasoo daristay ganacsatada ayaa sii korortay kaddib markii xubno katirsan Shabaab ay maalmo kahor toogteen ganacsato dhowr ah oo goobo ganacsi ku lahaa degmada Dayniile, kaddib markii diideen amarka Al Shabaab ee ah in goobahooda ka bixiyaan kaamirooyinka.
Xafiiska Shabakada Allbanaadir.com
Muqdisho Somalia
Allbanaadir@live.com
