Ciidamada Darawiishta Dowladda Jubbaland gaar ahaan guutada labaad ee ka howlgasha deegaanka Janaa Cabdalle iyo tuulooyinka hoos yimaada ayaa saacadihii lasoo dhaafay howlgal qorsheysan ka sameeyay degaanada Cag-libaax, Libaaxley iyo Dalnaje oo dhamaantood ay ku sugnaayeen Al shabaab
Gaashaanle Sare Maxamuud Cabdi Ciilmooge (Fanax) oo ah Taliyaha guutada labaad ee Daraawiishta Jubbaland ayaa xusay in howlgalka lagu burburiyay fariisimihii Al-shabaab ay ku lahaayeen deegaanadaas, isagoo intaas ku daray inay hayeen xogta Argagixisada, taaso ugu dambeyn uu sheegay in lagu qaaday howlgal guuleystay.
Sida uu Taliyaha  xaqiijiyay khasaaro kala duwan ayaa Al shabaab la gaarsiiyay waxaana ciidamada Daraawiishta Jubbaland u suuragashay in dhul baaxad ahaan aad u weyn ay ka sifeeyaan kooxda,
Ciidamada Daraawiishta Jubbaland ayaa bilihii ina dhaafay xoojiyay howlgalada ka dhanka ah Al shabaab, waxaana isku furmay deegaano badan oo horay u kala xirnaa.
HOOS KA DAAWO SAWIRADA
