Madaxweynaha dowlad goboleedka Puntland C/weli Maxamed Cali (Gaas) ayaa kala diray golihii degaanka magaalada Gaalkacyo isagoo dhinaca kale magaaladaasi u magacaabay gudoomiye cusub.
Wareegtooyin caawa kasoo baxay xafiiska Madaxweynaha Puntland ayaa lagu kala diray Golihii degaanka magaalada Gaalkacyo isagoo nabadoon caan ah u magacaabay inuu noqdo duqa magaalada Gaalkacyo.
Wareegtada magacaabida gudoomiyaha Gaalkacyo ayaa u qorneyd sidatan:
Madaxweynaha Dowladda Puntland Dr. Cabdiweli Maxamed Cali Gaas ayaa xeer Madaxweyne
Lr. 176, November 17 2018, ku magacaabay Guddoomiyaha iyo Guddoomiye Ku-xigeenka
degmada Gaalkacyo.
Madaxweynaha Dowladda Puntland Markuu arkay: Dastuurka Dowladda Puntland.
Markuu tixgeliyey: Baahida loo qabo inay sii socoto shaqada Degmada Gaalkacyo.
Markuu Qiimeeyey: Tala soo jeedinta Wasaaradda Arrimaha Gudahada, Dowladdaha Hoose
iyo Horumarinta Reer Miyiga.
Wuxuu Xeeriyey.
- Waxaa Yaasiin Cabdisamad Cumar si ku meel-gaadh ah loogu magacaabay Guddoomiyaha
Degmada Gaalkacyo.
- Waxaa Maxamed Cabdinaasir Cigaal Xirsi si ku meel-gaadh ah loogu magacaabay
Guddoomiye Ku-xigeenka degmada Gaalkacyo.
Xeerkani wuxuu dhaqan gelayaa markuu Madaxweynuhu saxiixo, wuuna saxiixay
Madaxweynuhu.
DHAMMAAD
Xafiiska Shabakada Allbanaadir.com
Muqdisho Somalia
Allbanaadir@live.com
