Ra’iisul Wasaaraha Xukuumadda Jamhuuriyadda Federaalka Soomaaliya Mudane Xamsa Cabdi Barre, ayaa xarigga ka jaray waddo cusub oo Laami ah
Wadadan ayaa laga hirgeliyey Degmada Garasbaaley ee Gobolka Banaadir, iyadoo fududueyn doonta isku socodka dadka iyo gaadiidka.
Waddadan oo lagu magacaabo Macaani, ayaa lagu dhisay canshuurta laga qaado bulshada ku nool gobolka banaadir, taasoo qayb ah qorshaha horumarinta caasimadda ee dalkaaga ku dhiso hal dollar.
Xamsa Cabdi Barre, ayaa sidoo kale isla saaka xarigga ka jaray waddada Via Uganda ee ka baxda Isgoyska dabka tagtana Dekkada Muqdisho, taasoo dhex marta degmooyinka Waaberi iyo Xamar Jajab
Sidoo kale, waxa uu dhagax-dhigay waddada isku xirta Dabka illaa isgoyska Bakaaraha ee Degmada Howlwadaag, taasoo dib-u-dhis lagu sameynayo mar kale markii ay ku burburiyeen roobabkii dhowaanahan ka da’ayey Muqdisho
Waxaa munaasabadaas goob joog ka ahaa gudoomiyaha gobolka Banaadir Yuusuf Madaale, masuuliyiin heerar kala duwan leh iyo qeybaha bulshada degmada Garasbaaley.
