Laba ka mid ah ciidamada nabad ilaalinta Qaramada Midoobay ayaa dhaawacmay ka dib markii taangiyada Israa’iil ay garaaceen minnaarad ku taal saldhigga Qaramada Midoobay ee koonfurta Lubnaan, sida ay sheegtay Qaramada Midoobay.
Sida lagu sheegay bayaan ay soo saareen ciidamada ku meel gaarka ah ee Qaramada Midoobay ee Lubnaan (UNIFIL), Minnaaradda xaruntooda ugu weyn ee Naqoura ayaa si toos ah loo garaacay, taasoo sababtay in ciidamada nabad ilaalinta wax ka soo gaaraan.
“Nasiib wanaag dhaawacyadu, markan, ma aha kuwo halis ah, laakiin waxay ku sii jirayaan isbitaalka,” Qaramada Midoobay ayaa lagu yiri warbixinta la soo saaray.
Waxay intaas lagu daray in askarta Israa’iil ay sidoo kale rasaas ku fureen saldhigga Qaramada Midoobay ee Ras Naqoura, “Waxay ku dhufteen albaabka halka askarta nabad ilaalintu ku hoydaan, waxayna waxyeello u geysteen gaadiid iyo nidaam isgaarsiineed”.
UNIFIL waa hawlgal nabad ilaalin ah oo Qaramada Midoobay ka socda oo la sameeyay 1978-dii. Waxay sababay in la sameeyo colaadaha ka aloosan gobolka.
