Waxaa daqiiqado kahor xaafada loo yaqaa SS-ta ee katirsab degmada Dayniile ee gobolka Banaadir, loogu dhaawacay afar nin oo kamid ahaa dadka deegaanka, waxaana raggaasi la weeraray looga tagay meyd ahaan.
Ragga la dhaawacay ayaan ilaa hadda wax xog dheeraad ah laga heyn waxa ay ahaayeen iyo sababta loo beegsaday, waxaa socda baaritaanno ay wadaan laamaha amniga Dayniile gaar ahaan booliiska iyo nabadsugida.
Warar soo baxaya ayaa sheegaya in dadka la dhaawacay ay ahaayeen ganacsato, kuwaa oo la sheegay in dukaaman ay lahaayeen ku xireen kaamirooyinka qarsoon ee CCTV iyaga oo fulinaya amarka dowladda.
Jimcihii ayaa sidaan oo kale xaafada Suuqa Xoolaha loogu dilay nin ganacsade ahaa, kaa oo isna la sheegay in loo dilay sababo la xariira in kaamiro ku xiray goobtiisa ganacsi.
