Guddoomiyaha Golaha Shacabka Baarlamaanka Federaalka Soomaaliya Mudane Sheekh Aadan Maxamed Nuur Madoobe, ayaa magaalada Abu Dhabi ee dalka Imaaraadka Carabta kula kulmay dhigiisa Baarlamaanka Imaaraadka Carabta Mudane Saqr Ghobash.
Kulanka labada guddoomiye Baarlamaan ee Soomaaliya iyo Imaaraadka ayaa diirada lagu saaray xoojinta xiriirka labada dowladood gaar ahaan labada baarlamaan, iskaashiga iyo wada shaqeynta labada dhinac iyo sidii kor loogu qaadi lahaa.
Guddoomiye Sheekh Aadan Madoobe ayaa dhigiisa Imaaraadka kaga mahad celiyay casuumaada rasmiga ah ee uu u sameeyay iyo qaabilaada heerkeeda sarreeyay ee ka dhacay xarunta baarlamaanka dowladda Imaaraadka Carabta.
Wafdiga Guddoomiyaha Golaha Shacabka waxaa qeyb ka ah Guddiga Saaxiibtinimada Baarlamaanada Soomaaliya iyo Imaaraadka Carabta iyo sidoo kale xubnaha Baarlamaanka Soomaaliya ku matala Baarlamaanka Jaamacada Carabta.
Xafiiska Shabakada Allbanaadir.com
Muqdisho Somalia
Allbanaadir@live.com
