Wasiirka arrimaha Dibadda Soomaaliya Axmed Macalin Fiqi ayaa markii ugu horeysay ka hadlay mooshin ay soo jeediyeen qaar ka mid ah Xildhibaanada Golaha Shacabka qaar.
Wasiirka oo warbaahinta kula hadlay magaalada Muqdisho ayaa waxaa uu sheegay inuu ka war hayo in xildhibaanada qaar ay u soo jeediyeen eed la xiriirta waxqabadkiisa,
“Waxaan ka mid hay dadka aaminsan la isla xisaabtamo”, ayuu yiri wasiir Fiqi.
Waxa uu intaa raaciyay in la kulmi doono xildhibaanada ka cowday, loona baahan yahay in la hubiyo dhab ahaanshaha eedda.
Xildhibaanada Golaha Shacabka ee mooshinka keenay ayaa waxay sheegeen in ay wasiirka ku haystaan gudasho la’aan la xirirta shaqooyinkii loo igmaday qaarkood iyo qaar ka mid ah saxiixyada lagu socodsiiyo howlaha wasaarada oo isagu uu isku koobay.
