Hoggaamiyaha Maamulka SSC-Khaatumo mud: Cabdiqaadir Axmed Aw Cali ayaa Xeer Lr. 24 ku magacaabay Taliye Ku xigeenka Booliska Maamulka SSC-Khaatumo.
Hoggaamiyaha Maamulka SSC-Khaatumo markuu arkay baahida loo qabo kuna qancay khibradda iyo aqoontiisa waxa uu S/Guuto Cismaan Ibraahim Ducaale u magacaabay in uu noqdo Taliye Ku Xigeenka Ciidanka Booliska Maamulka SSC-Khaatumo.
Dhinaca kale, Hoggaamiyaha Maamulka SSC-Khaatumo Mudane Cabdiqaadir Axmed Aw-Cali ayaa kulan la qaatay Wasiirada Wasaaradaha Maamulkiisa & Agaasimeyaasha Cusub ee wasaaradaha Maamulka SSC-Khaatumo
Kulanka ayaa daarranaa Isbarasho Agaasimayaasha Cusub, Wasiiradda Wasaaradaha ay ka tirsan yihiin iyo Dardar gelinta shaqooyinka wasaaradaha horyaala.
Madaxwaynaha ayaana ugu horayn Golaha Wasiiradda & Agaasimeyaasha kula dardaarmay caddaalad intaa ka dibna ku boorriyay sidii ay u gudan lahaayeen waajibaadka shaqo ee ka saaran bulshada ay hogaamiye-yaasha u yihiin
Hoggaamiyaha ayaa Wasiiradda & Agaasimeyaasha Guud ee Wasaaradaha Maamulkiisa ku bogaadiyey shaqooyinka ay sida hufnaanta leh u wadaan islamarkaana faray in ay sii laba-jibbaaraan hawlaha hortebinta u leh Maamulka.
