Madaxweynaha dowlad goboleedka Puntland Mudane Siciid Cabdullaahi Deni oo safar shaqo ku jooga magaalada Boosaaso ee xarunta gobolka Bari , ayaa maanta xariga ka jaray wejiga koowaad ee wadada laamiga ah ee jidka 30-ka Boosaaso oo la dhameystiray 3.5KM.
Madaxweyne Saciid Deni ayaa sidoo kale waxa uu maanta dhaggax dhigay wejiga Labaad ee wadadan oo dhan 2.4KM, taas oo la filayo in iyana la dhiso, waxaana dhismaha waddooyinkan gacan weyn ka geestay maamulka Madaxweyne Deni.
Dhinaca kale Madaxweyne Deni ayaa maanta xariga ka jaray dhismaha cusub ee Wasaaradda Kalluumeysiga iyo Kheyraadka Badda Puntland, oo ay iska kaashadeen maamulka Puntland iyo Midowga Europe, iyadoo fullinta farsamo ay fududeeysay Hay’adda FAO.
Madaxweyne Demi ayaa boggaadiyay dhismaha cusub ee Wasaaradda Kalluumeysiga oo uu muujiyey in Puntland muhimad gaar ah siisay in la helo xaruntan, oo saldhig u noqonaysa shaqooyinka la xiriira Kalluumeysiga iyo kheyraadka Badda Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
