Madaxweynaha dowlad goboleedka Puntland Siciid Cabdullaahi Deni oo ku sugan magaalada Boosaaso, ayaa lagu wadaa in markab dagaal oo yaalla xeebaha magaalada dushiisa kula kulmo saraakiil katirsan ciidamada badda ee Midowga Yurub (EUNAVFOR) .
Markab dagaal ay wataan ciidamada badda Midowga Yurub ayaa taagan meel ka baxsan xeebaha magaalada Boosaaso, waxaana la filayaa in markabkaasi la geeyo uuna halkaasi Madaxweynaha kula soo kulmo saraakiisha ciidan ee markabka dushiisa saaran.
Madaxweyne Siciid Deni iyo saraakiisha ciidamada badda ee Midowga Yurub ayaa la filayaa in ay kawada hadlaan arrimo ay kamid yihiin xoojinta la dagaallanka burcad-badeeda , iyo sidoo kale in labada dhinac is dhaafsadaan xogta kooxaha burcad-badeeda.
Wararka aan hekeyno ayaa sidoo kale sheegaya in Madaxweyne Siciid Deni iyo saraakiisha ciidan uu la kulmayo kawada hadli doonaan ka hortagga hubka sida sharci-darrada ah loo gudbiyo iyo danbiyada ka dhaca Badaha
Xafiiska Shabakada Allbanaadir.com
Muqdisho Somalia
Allbanaadir@live.com.
