Wasiirka Amniga Gudaha Xukuumadda Federaalka Soomaaliya Mudane Cabdullaahi Sheekh Ismaaciil (Fartaag) ayaa soo xiray tartanka Qur’aanka kariimka ee ay ka qayb galeen qaar kamid ah ciidamada Booliiska Soomaaliyeed.
Munaasabadda xiritaanka tartanka Qur’aanka ee loo qabtay ciidanka Booliiska ayaa lagu guddoonsiiyay abaalmarino ka farxiyay ciidamadii kaalmaha koowaad, labaad, iyo saddexaad ka galay tartanka.
Wasiir Fartaag ayaa sheegay in muhiimad gaar ah la siin doono ciidanka xafida Qur’aanka, laguna qiimeyn doono aqoontooda diineed, isagoo xusay in horumarinta aqoonta diinta ay tahay mid ka mid ah mudnaanta waaxda amniga gudaha, si loo dhiso ciidamo leh aqoon iyo anshax wanaagsan.
Ciidamada Booliiska Soomaaliya ayaan horey loogu qaban jirin tartanka Qu’aanka Kariim, waxaa sidoo kale taliyihii Booliiska ee xilka laga qaaday derajooyin ciidan siiyay askar xifdisay Qu’aanka Kariimka.
