Wasiirka gaadiidka Lubnaan, Ali Hamiyah ayaa lagu warramaya inuu ku wargeliyay diyaaradaha Iran inaysan soo geli karin hawada Lubnaan oo aysan ka soo degi karin garoonka diyaaradaha Beirut ee Rafic Hariri.
Tan waxay ku soo aaday waxyar kaddib markii Israa’iil ay jabsatay nidaamka isgaarsiinta garoonka diyaaradaha Beirut, oo ay ka sheegeen inaysan soo degi karin diyaaradaha Iran.
Tallaabadan waxay u muuqata in maamulka Lubnaan uu u qaadayo iyagoo ka fogaanaya weerarro ay Israa’iil ka geysato garoonka.
Dhinaca kale, Ciidanka Israa’iil ayaa lagu warramayaa inay amar ku bixiyeen in bukaannada laga dad-gureeyo isbitaalka ugu weyn koonfurta Beirut ee Bahman.
Go’aankan ayaa ka soo baxay Israa’iil xilli inta badan dadka ku nool koonfurta Beirut, ay horey ugu amartay Israa’iil inay isaga baxaan dhimayaasha ay deggan yihiin, kuwaasoo hadda barakac ku ah gudaha Beirut.
